“Жасыл орам” Астана

“Жасыл орам” Астана
  • «Жасыл орам» «жасыл» құрылыс тұжырымдамасына өту саласындағы пилоттық жоба болып табылады. Объект ЭКСПО-2017 халықаралық мамандандырылған көрмесі шеңберінде келу орны ретінде таныстырылды.

    «Зеленый квартал» жобасы озық экологиялық және энерготиімді технологияларды қолдана отырып жалпы ауданы 216 мың м2 тұрғын, кеңсе, сауда жылжымайтын мүлкі, әлеуметтік-тұрмыстық инфрақұрылым объектілерінің құрылысынан тұрады. «Зеленый квартал» Астана қаласындағы «Хан Шатыр» сауда-ойын сауық орталығына жақын жерде орналасқан.

    «Зеленый квартал» жобасының архитектуралық тұжырымдамасын AHR британдық компаниясы әзірлеген. Объект болашақтың қаласы келбетіне ие және елордамыздағы жарқын, тұрақты, ультразаманауи және әлеуметтік шоғырланған тұрғын қауымдастыққа айналары сөзсіз. Тұжырымдамада инновациялық жасыл технологияларды – энерготиімді жарықтандыру, жайлылықты қамтамасыз ету технологиялары, қалдықтарды бөлек жинау, рекуперациясы бар ағынды-сорғыш желдеткіші және т.б. қолдану көзделген. Аумағында үй маңы аумағының эксклюзивті ландшафт дизайні, көркем таза көл, жүгіру және велосипед жолдары бар саябақ, фитнес-клуб, сауықтыру орталығы, балалардың уақытша болу орталығы құрылған. Қыс мезгілінде көлдің аумағын мұз айдыны ретінде пайдалану жоспарланып отыр.

    Жоба 10 тұрғын үй және 3 коммерциялық блоктан тұрады. Барлық объектілер 4 құрылыс кезегіне бөлінген:

    •             1-кезек – В8, В9 және В10 тұрғын блоктары. Пайдалануға енгізілген күні – 2017 жылғы 31 тамыз;

    •             2-кезек – В1, В12, В13 тұрғын блоктары, пайдалануға енгізілген күні – 2017 жылғы 31 тамыз және В11 кеңсе ғимараты, пайдалануға енгізілген күні – 2017 жылғы 30 қыркүйек

    •             3-кезек – В4, В5, В6 және В7 тұрғын блоктары. Пайдалануға енгізілген күні – 2017 жылғы 31 тамыз;

    •             4-кезек – Т4 және Т5 кеңсе ғимараттары. Пайдалануға енгізілетін күні – 2018 жылдың IV тоқсаны.

    «Зеленый квартал» жобасының ғимаратын Америкалық жасыл құрылыс кеңесінің (US Green Building Council) LEED (Leadership in Energy and Environmental Design) стандарттарына сәйкестігіне сертификаттау жоспарлануда.

          Мемлекеттік сараптама қорытындысына сәйкес құрылыстың жалпы сметалық құны 43,9 млрд. теңгені құрады. Пәтерлердің тұрғын ауданы 49 260 м2, коммерциялық үй-жайлардың жалпы ауданы 76 5326 м2 құрайды. Тұрғын үй кешеніндегі пәтерлер саны 620 бірлікті құрайды.



                                       Жоба бойынша серiктестер


slide0147_image026.jpg

Маркетинг
images (2).jpg Жобалау
slide0147_image022.jpg

Заңдық сүйемелдеу

slide0147_image028.png "Жасыл технологиялар"
зеленый квартал2.png

Жасыл орам жобасының орналасуы




Тізімге оралу